شن مرتضى منصور رئيس نادي الزمالك، هجومًا عنيفًا على طارق حامد، لاعب وسط الفريق الأول لكرة القدم، مؤكدًا أنه لم يحترم نادي الزمالك أو مجلس إدارة النادي وجماهيره، بعدما تخلف عن حضور الاجتماع الذي كان مقرر له في الساعات الأولى من صباح اليوم الخميس؛ من أجل تجديد تعاقده.

وقال مرتضى منصور: “احنا مش بنحترمك يا طارق ومش عاوزينك وملكش فلوس عندنا في الزمالك”.

واصل: “طارق حامد طلب من الزمالك الحصول على 20 مليون جنيه للتجديد مع الزمالك، ليه جايبلي كأس العالم وأنت جاي”.

أضاف: “يا جماهير نادي الزمالك طارق حامد طماع ومبتز، وهو خلاش مش معانا ولو مركز شباب بشالوش عايزه يجي ياخده”.

تابع حديثه المهاجم لطارق حامد: “الزمالك نضفك وعرفك تسرح شعرك بالسشوار ولبسك جزمة، الزمالك جابلك شقة في مدينة نصر وجابلك عربية متحلمش تركبها”.

أوضح: “لا وجود له في الزمالك من اليوم، واللاعب الثاني اللي قعد مع الأهلي مش عاوزه وقيده في قائمة الانتظار(إشارة إلى أحمد الشناوي)، وكهربا مستمر وأنا مش بتعامل مع أبوه أو أمه أنا بتعامل مع عقود”.

ختم: احنا زهقنا وقرفنا، وهنتطهر النادي من الأشكال دي وأنت لو عندك دم يا طارق شوفلك نادي تاني الجماهير مش طايقينك والمسرحية انتهت (انتهى الدرس يا غبي)”.